مخصوص نشستیں،پیپلزپارٹی نے بھی فیصلے پر نظرثانی کیلئے درخواست کردی

33

اردوورلڈ کینیڈا( ویب نیوز)پاکستان پیپلز پارٹی نے بھی مخصوص نشستوں کے فیصلے پر نظرثانی کے لیے سپریم کورٹ میں درخواست دائر کر دی
پیپلز پارٹی کی جانب سے فاروق ایچ نائیک نے سپریم کورٹ میں درخواست دائر کی۔
پیپلز پارٹی نے مخصوص نشستوں کے 12 جولائی کے فیصلے کے خلاف نظرثانی کی درخواست دائر کی جس میں مخصوص نشستوں کا 12 جولائی کا فیصلہ واپس لینے کی استدعا کی گئی ہے۔
درخواست میں مزید موقف اپنایا گیا ہے کہ تحریک انصاف کو بغیر مانگے نشستیں دی گئیں، فیصلے پر نظر ثانی کی جائے۔
یاد رہے کہ 15 جولائی 2024 کو پاکستان مسلم لیگ (ن) نے مخصوص نشستوں کے فیصلے پر سپریم کورٹ میں نظرثانی کی درخواست دائر کی تھی۔