اردوورلڈ کینیڈا( ویب نیوز) پاکستان مسلم لیگ نواز اور پاکستان پیپلز پارٹی کے رہنماؤں کا مشترکہ اجلاس خیبر پختونخوا کے گورنر فیصل کریم کنڈی کی اسلام آباد رہائش گاہ پر ہوا جس میں مشاورتی عمل کو جاری رکھنے پر اتفاق کیا گیا۔
ملک کی دو بڑی سیاسی جماعتوں کے رہنماؤں نے خیبر پختونخواہ کے گورنر کی میزبانی میں خیبر پختونخوا کی مجموعی صورتحال پر مشاورت کی۔. اجلاس میں پاکستان مسلم لیگ نوازکے رانا ثناء اللہ، امیر مقام، سردار محمد یوسف، خواجہ سعد رفیق اور مرتضیٰ جاوید عباسی نے شرکت کی۔.
اجلاس میں صوبائی صدر محمد علی شاہ باچا، صوبائی جنرل سیکرٹری شجاع خانزادہ اور رکن صوبائی اسمبلی احمد کریم کنڈی نے شرکت کی۔.
اجلاس میں وزیر اعظم پاکستان شہباز شریف اور چیئرمین پاکستان پیپلز پارٹی بلاول بھٹو زرداری کی ہدایت پر دونوں جماعتوں کے رہنماؤں نے خیبر پختونخواہ میں بدامنی، معاشی بحران اور سیاسی عدم استحکام پر تشویش کا اظہار کیا۔.
اجلاس میں خیبرپختونخوا میں پائیدار امن کے حصول کے لیے مل کر کام کرنے اور صوبے کی مجموعی ترقی کے لیے مشترکہ حکمت عملی وضع کرنے پر اتفاق کیا گیا۔. صوبے کی ترقی کے لیے ہم خیال سیاسی جماعتوں سے رابطہ کرنے اور انہیں مشاورتی عمل میں شامل کرنے پر بھی اتفاق کیا گیا۔.
مشترکہ اجلاس میں ملک کی دو بڑی جماعتوں کے رہنماؤں نے صوبے کی مجموعی ترقی کے لیے باقاعدہ مشاورت جاری رکھنے پر اتفاق کیا۔. اجلاس میں دہشت گردی کے خاتمے اور امن کے قیام پر قانون نافذ کرنے والے اداروں کو خراج تحسین پیش کیا گیا۔.
اجلاس میں دہشت گردی کے خلاف جنگ میں اپنی قیمتی جانیں قربان کرنے والے شہداء کو خراج تحسین پیش کیا گیا۔. رہنماؤں نے صوبے میں بڑھتی ہوئی بدامنی کی بگڑتی ہوئی صورتحال پر صوبائی حکومت کی مجرمانہ خاموشی پر تشویش کا اظہار کیا۔.
