اردو ورلڈ کینیڈا ( ویب نیوز ) ا ایسے اشارے ملے ہیں کہ ایران نواز ملیشیا امریکی اڈوں پر حملہ کرنے کی تیاری کر رہے ہیں۔امریکی اخبار نیویارک ٹائمز کا دعویٰ ۔

رپورٹ کے مطابق امریکی اہلکار نے کہا کہ امریکی فوج اور انٹیلی جنس حکام نے عراق اور ممکنہ طور پر شام میں امریکی فوجی اڈوں پر حملہ کرنے کے لیے ایرانی حمایت یافتہ ملیشیا کی تیاریوں کا پتہ لگایا ہے۔نیویارک ٹائمز کے مطابق ان گروپوں نے ابھی تک امریکی اہداف پر حملہ نہیں کیا ہے جبکہ عراقی حکومت انہیں حملے سے روکنے کی کوشش کر رہی ہے۔واضح رہے کہ ایرانی جوہری تنصیبات پر امریکی حملے کے بعد ایران نے سخت ردعمل کا اظہار کرتے ہوئے کہا کہ ہماری افواج امریکی حملے کے ردعمل کا وقت اور نوعیت کا فیصلہ کریں گی۔اقوام متحدہ کی سلامتی کونسل سے خطاب کرتے ہوئے ایرانی نمائندے سعید اروانی نے کہا کہ ایران پر امریکی حملے کا سخت ردعمل دیا جائے گا۔