اردوورلڈ کینیڈا ( ویب نیوز )عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ عارف علوی کے ٹویٹ نے بڑا آئینی اور قانونی طوفان کھڑا کر دیا ہے۔
سماجی رابطے کی ویب سائٹ ایکس (ٹوئٹر) پر شیخ رشید نے کہا کہ صدر کے ٹوئٹ نے نیا پنڈورا باکس کھول دیا ہے اور پوری دنیا میں سیاست میں ہلچل مچا دی ہے۔
عارف علوی کے ٹویٹ نے بڑا آئینی اور قانونی طوفان کھڑا کر دیا ہے۔ پاکستان کی سیاسی، آئینی، قانونی اور پارلیمانی تاریخ میں ایسا بحران پہلی بار آیا ہے۔
صدر مملکت کے ٹویٹ نے ایک نیا پنڈورا بکس کھول دیا ہے اور دنیا سیاست میں ہلچل پیدا کر دی ہے اور ایک بڑا آئینی اور قانونی طوفان کھڑا کر دیا ہےپاکستان کی سیاسی آئینی قانونی اور پارلیمانی تاریخ میں ایسا بحران پہلی مرتبہ آیا ہے جب تک نئی اسمبلی نہیں بنے گی اور وہ کب بنے گی اس کا معلوم…
— Sheikh Rashid Ahmed (@ShkhRasheed) August 21, 2023
انہوں نے کہا کہ جب تک نئی اسمبلی نہیں بنتی اور یہ معلوم نہیں کہ یہ کب بنے گی لیکن اس وقت تک یہ بل اٹکا رہے گا۔ پہلے خبر آئی کہ دستخط ہو گئے، کل نگرا ن وزیر قانون نے کہا کہ دستخط نہیں ہوئے۔
عوامی مسلم لیگ کے سربراہ کا مزید کہنا تھا کہ اب دیکھتے ہیں کہ سیاسی اونٹ کس کروٹ بیٹھتا ہے اور اس آئینی بحران کا نتیجہ کیا نکلتا ہے۔
