اردوورلڈ کینیڈا ( ویب نیوز )پی ڈی ایم اور اتحادی جماعتوں نے نگرا ن وزیراعظم کے لیے وزیراعظم شہباز شریف کو نامزد کرنے کا حق دے دیا۔
وزیراعظم شہبازشریف کی زیرصدارت پی ڈی ایم اور اتحادی جماعتوں کے سربراہوں کا اجلاس ختم ہوگیا، ذرائع کے مطابق پی ڈی ایم اور اتحادی جماعتوں نے نگرا ن وزیراعظم کا نام فائنل کرنے کا اختیار وزیراعظم شہبازشریف کو دے دیا ہے۔

ذرائع کے مطابق پی ڈی ایم اور اس کے اتحادیوں نے وزیراعظم شہباز شریف پر اعتماد کا اظہار کیا ہے۔
اتحادی جماعتوں کا کہنا ہے کہ وزیر اعظم جس کو مناسب سمجھیں نگران وزیر اعظم کے لیے نامزد کریں۔
پی ڈی ایم اور اتحادی جماعتوں نے بھی اپوزیشن لیڈر کے نگرا ن وزیراعظم کے نام پر وزیراعظم سے مشاورت کی منظوری دی۔
دوسری جانب وزیراعظم شہباز شریف کی جانب سے الوداعی ملاقاتوں کا سلسلہ جاری ہے۔ گزشتہ روز وزیراعظم شہباز شریف نے ارکان قومی اسمبلی اور سینیٹ کے اعزاز میں پرتکلف عشائیہ کا اہتمام کیا۔ وزیراعظم نے ارکان پارلیمنٹ کا پرتپاک استقبال کیا۔
شہباز شریف نے ارکان پارلیمنٹ کا وزیراعظم ہاؤس میں استقبال کیا، وزیراعظم فرداً فرداً ارکان کی نشستوں پر گئے اور ان سے ملاقات کی۔