اردو ورلڈ کینیڈا ( ویب نیوز )وزیر اعظم شہباز شریف نے اسلام آباد میں ایک تقریب میں بچوں کو پولیو کے قطرے پلا کر قومی انسداد پولیو مہم کا آغاز کیا۔

اس موقع پر خطاب کرتے ہوئے انہوں نے والدین پر زور دیا کہ وہ اپنے پانچ سال سے کم عمر کے بچوں کو پولیو کے قطرے ضرور پلائیں تاکہ ملک سے پولیو کا خاتمہ ہو سکے۔

وزیراعظم نے ملک سے اس لعنت کے خاتمے کے لیے پولیو ورکرز کی کاوشوں کو سراہا۔ انہوں نے پولیو کے خلاف جنگ میں اپنی جانوں کا نذرانہ پیش کرنے والوں کو زبردست خراج تحسین پیش کیا۔ انہوں نے اس سلسلے میں محکمہ صحت اور پولیو ٹیموں کا شکریہ بھی ادا کیا۔

اس موقع پر وزیر اعلی سندھ سید مراد علی شاہ، وزیر نیشنل ہیلتھ سروسز عبدالقادر پٹیل اور وزیر اطلاعات و نشریات مریم اورنگزیب بھی موجود تھیں۔