اردو ورلڈ کینیڈا ( ویب نیوز ) وزیراعظم شہباز شریف نے ذخیرہ اندوزوں اور منافع خوروں کے خلاف قانونی کارروائی کی منظوری دے دی۔

وزیراعظم شہبازشریف کی زیرصدارت رمضان المبارک میں اشیائے خوردونوش کی قیمتوں میں استحکام کے حوالے سے اجلاس ہوا

۔اجلاس میں وزیر اعظم نے ذخیرہ اندوزوں اور منافع خوروں کے خلاف قانونی کارروائی کی منظوری دی اور وفاق اور صوبوں میں ضلعی انتظامیہ اور قانون نافذ کرنے والے اداروں کو آزادانہ طور پر آزادانہ کارروائی کا حکم دیا۔وزیراعظم نے رمضان المبارک سے قبل گوداموں، دکانوں اور بازاروں میں کلین اپ آپریشن کرنے کی ہدایت کرتے ہوئے کہا کہ سستے رمضان بازار لگائے جائیں اور قیمتوں کو کنٹرول کرنے کے لیے جدید ٹیکنالوجی کا استعمال کیا جائے۔شہباز شریف نے کہا کہ اشیاء کی طلب، رسد اور قیمتوں میں گڑبڑ پر متعلقہ افسران کے خلاف کارروائی کی جائے گی۔ اجلاس میں وزیراعظم نے متعلقہ حکام پر برہمی کا اظہار کرتے ہوئے کہا کہ خوراک کی کمی نہیں تو مرغی کی قیمت کیوں بڑھائی؟