اردو ورلڈ کینیڈا ( ویب نیوز ) پاکستان بھر میں سوشل میڈیا سروسز سست روی کا شکار ہیں جس کے باعث انٹرنیٹ صارفین بدستور مشکلات کا شکار ہیں۔انٹرنیٹ کی سست رفتار نے صارفین کے لیے واٹس ایپ اور دیگر ایپس پر تصاویر، ویڈیوز اور وائس نوٹ بھیجنا اور وصول کرنا بھی مشکل بنا دیا۔

ملک کے مختلف حصوں سے وائی فائی اور موبائل ڈیٹا سروس متاثر ہونے کی شکایات بھی آنا شروع ہو گئی ہیں۔آئی ٹی ماہرین نے انٹرنیٹ کی سست روی سے ملکی معیشت پر منفی اثرات کا خدشہ ظاہر کیا ہے۔چیئرمین پاشا سجاد مصطفیٰ نے کہا کہ انٹرنیٹ آئی ٹی انڈسٹری کی جان ہے۔ ایک گھنٹے کی انٹرنیٹ بندش سے IT انڈسٹری کو $910,000 کا نقصان ہوتا ہے۔انہوں نے کہا کہ آئی ٹی انڈسٹری میں ایک ڈالر کی سرمایہ کاری سے حکومت کو 49 ڈالر ملتے ہیں۔