اردوورلڈ کینیڈا( ویب نیوز)مہنگائی اور بجلی کے بلوں میں غیر ضروری ٹیکسز کے خلاف جماعت اسلامی کی احتجاجی ہڑتال 13ویں روز میں داخل ہو گئی۔
راولپنڈی کے لیاقت باغ میں مہنگائی اور بجلی کے بلوں کے خلاف جماعت اسلامی کا دھرنا 13ویں روز بھی جاری ہے۔
جماعت اسلامی کے کارکنوں نے دھرنے کے مقام کی صفائی بھی کی جب کہ حکومتی ٹیم سے مذاکرات کا چوتھا دور آج ہونے کا امکان ہے۔
جماعت اسلامی کے حکومت سے گزشتہ رات ہونے والے مذاکرات بے نتیجہ رہے، حکومتی مذاکراتی ٹیم مثبت جواب نہ دے سکی۔
امیر جماعت اسلامی حافظ نعیم الرحمان پریس کانفرنس کر کے مری روڈ مارچ سے متعلق آگاہ کریں گے، جماعت اسلامی کل اسلام آباد کی جانب پیش قدمی کرے گی۔
11 اگست کو لاہور اور 12 اگست کو پشاور میں دھرنا دیا جائے گا۔ 14 اگست کو ملک بھر کے صنعتکاروں اور تاجروں سے مشاورت کے بعد مکمل شٹر ڈاؤن ہڑتال بھی کی جائے گی۔
64
