11
اردوورلڈکینیڈا( ویب نیوز)پاکستان تحریک انصاف (پی ٹی آئی) نے آئندہ ضمنی انتخابات میں بھرپور طریقے سے حصہ لینے کا فیصلہ کیا ہے۔ یہ فیصلہ پارٹی کی کور کمیٹی کے اجلاس میں کیا گیا جس کی صدارت سلمان اکرم راجہ نے کی۔
اجلاس میں اتفاق کیا گیا کہ سیاسی میدان کو خالی نہیں چھوڑا جائے گا اور پارٹی انتخابی عمل میں متحرک کردار ادا کرے گی۔ کمیٹی نے تجویز دی کہ جن نشستوں پر کسی رکن کی نااہلی ہو گی، وہاں متبادل امیدوار کا انتخاب اسی رکن کی مشاورت سے کیا جائے گا۔
انسدادِ دہشت گردی عدالت نے تحریک انصاف کے 50 رہنمائوں کے گرفتاری وارنٹ جاری کردئیے
اجلاس میں اپوزیشن لیڈر کی نامزدگی پر بھی غور کیا گیا، تاہم فیصلہ کیا گیا کہ عدالتی عمل مکمل ہونے تک یہ معاملہ مؤخر رکھا جائے۔ سفارش کی گئی کہ عدالت کے فیصلوں کے بعد اپوزیشن لیڈر کا انتخاب تحریک انصاف کے اندر سے ہی کیا جائے۔
ذرائع کے مطابق، کمیٹی کے بیشتر ارکان نے محمود خان اچکزئی کو اپوزیشن لیڈر نامزد کرنے کی مخالفت کی اور رائے دی کہ قیادت کی نئی تعیناتی عدالتی عمل مکمل ہونے کے بعد ہی ہونی چاہیے۔
