اردو ورلڈ کینیڈا ( ویب نیوز)پاکستان تحریک انصاف (پی ٹی آئی) کے وفد کو اڈیالہ جیل میں پی ٹی آئی رہنما شہباز گل سے ملاقات کرنے سے روک دیا گیا۔

تفصیلات کے مطابق پی ٹی آئی کا وفد عمر ایوب خان، علی نواز، خرم نواز، عامر ڈوگر اور ملیکہ بخاری پر مشتمل اڈیالہ جیل پہنچا لیکن جیل انتظامیہ نے انہیں شہباز گل سے ملاقات کی اجازت نہیں دی۔

جیل انتظامیہ نے پی ٹی آئی رہنماؤں کو بتایا کہ شہباز گل کو میڈیکل چیک اپ کے لیے ہسپتال منتقل کیا جا رہا ہے اس لیے ملاقات ممکن نہیں۔

اڈیالہ جیل کے باہر میڈیا سے گفتگو کرتے ہوئے پی ٹی آئی رہنماؤں نے الزام لگایا کہ وزیر داخلہ رانا ثناء اللہ کے حکم پر وفد کو شہباز گل سے ملاقات سے روکا گیا۔