اردوورلڈ کینیڈا ( ویب نیوز )پنجاب کی نگران  کابینہ نے صوبے میں مزدوروں کی کم از کم اجرت 32 ہزار روپے کرنے کی منظوری دے دی۔ملتان میں نگراں وزیراعلیٰ پنجاب محسن نقوی کی زیر صدارت پنجاب کابینہ کا 25 واں اجلاس ہوا، جس میں 39 نکاتی ایجنڈے پر غور کیا گیا۔

اجلاس میں پنجاب کابینہ نے مزدوروں کی کم از کم اجرت 32 ہزار روپے کرنے کی منظوری دے دی، وزیراعلیٰ پنجاب محسن نقوی نے تنخواہوں میں اضافے کا نوٹیفکیشن فوری جاری کرنے کا حکم دے دیا۔

پنجاب کابینہ نے بزرگ شہریوں، معذور افراد اور طلباء کو میٹرو بس اور اورنج لائن ٹرین میں مفت سہولت فراہم کرنے کی منظوری بھی دی ہے۔

صوبائی کابینہ کے اجلاس میں فیصلہ کیا گیا کہ میٹروبس اور اورنج لائن ٹرین میں بزرگ شہریوں، معذور افراد اور طلبہ کو مفت ٹکٹس دی جائیں گی۔