اردو ورلڈ کینیڈا ( ویب نیو ز) سابق فلسطینی وزیر اعظم اسماعیل ھنیہ کی شہادت پر دنیا کے مختلف ممالک نے ردعمل کا اظہار کیا ہے۔
امریکہ
امریکی وزیر دفاع لائیڈ آسٹن نے اسماعیل ہنیہ کے سوالات کا جواب دیتے ہوئے کہا کہ میں نہیں سمجھتا کہ جنگ ناگزیر ہے، میں سمجھتا ہوں کہ سفارت کاری کی ہمیشہ گنجائش اور موقع ہوتا ہے۔امریکی وزیر دفاع نے کہا کہ مشرق وسطیٰ میں کشیدگی کم کرنے کی کوشش کی، اسرائیل پر حملہ ہوا تو اس کا دفاع کریں گے۔میڈیا رپورٹس کے مطابق اس سوال پر کہ کیا وہ اس حملے کی معلومات کی تصدیق کر سکتے ہیں جس میں اسماعیل ہانیہ شہید ہوئے؟ "میرے پاس فراہم کرنے کے لیے کوئی اضافی معلومات نہیں ہیں،” انہوں نے کہا۔
ترکی
سابق فلسطینی وزیر اعظم اور حماس کے رہنما اسماعیل ھنیہ کی قاتلانہ حملے میں شہادت پر رد عمل ظاہر کرتے ہوئے ترکی کی وزارت خارجہ نے کہا کہ وہ اسماعیل ھنیہ کی قاتلانہ حملے میں شہادت کی مذمت کرتی ہے۔ حنیہ کی شہادت سے واضح ہے کہ اسرائیل امن نہیں چاہتا۔ترکی کی وزارت خارجہ نے کہا کہ اسماعیل ہنیہ پر حملہ ظاہر کرتا ہے کہ اسرائیل خطے میں جنگ پھیلانا چاہتا ہے اور نیتن یاہو کی حکومت امن کا کوئی ارادہ نہیں رکھتی۔ترکی کی وزارت خارجہ کا کہنا ہے کہ اسماعیل ہنیہ کے قتل کا مقصد یہ ہے کہ اسرائیل غزہ میں جنگ کو علاقائی سطح تک پھیلانا چاہتا ہے۔
روس
قاتلانہ حملے میں حماس کے رہنما اسماعیل ھنیہ کی شہادت پر نائب روسی وزیر خارجہ نے کہا کہ حماس کے رہنما اسماعیل ھنیہ کا قتل سیاسی اور ناقابل قبول ہے۔
فلسطین
فلسطینی صدر محمود عباس نے اسماعیل ہنیہ کی شہادت کی مذمت کرتے ہوئے فلسطینیوں سے متحد ہونے کی اپیل کی ہے۔فلسطینی خبر رساں ایجنسی کی رپورٹ کے مطابق فلسطینی اتھارٹی کے صدر محمود عباس نے اسماعیل ہنیہ کے قتل کی مذمت کرتے ہوئے اسے بزدلانہ کارروائی اور خطرناک پیش رفت قرار دیا۔محمود عباس نے فلسطینیوں پر زور دیا ہے کہ وہ متحد رہیں، اسرائیلی قبضے کے خلاف صبر اور ثابت قدم رہیں۔
واضح رہے کہ فلسطینی مزاحمتی تنظیم حماس کے سربراہ اسماعیل ہنیہ ایران کے دارالحکومت تہران میں اسرائیلی حملے میں شہید ہوگئے تھے۔ حماس نے اپنے رہنما کی ہلاکت کی تصدیق کر دی ہے۔ موجود تھے۔
