اردوورلڈ کینیڈا( ویب نیوز)پاکستان شوبز انڈسٹری کی معروف اداکارہ یمنی زیدی نے کہا ہے کہ اکیلے رہنے پر فخر ہے۔بلاک بسٹر ڈرامہ سیریل ‘تیرے بن سے دنیا بھر میں شہرت حاصل کرنے والی اداکارہ یمنی زیدی ان دنوں ڈیلاس میں موجود ہیں جہاں ڈرامہ سیریل تیرے بن کی مرکزی کاسٹ اداکارہ یمنی زیدی اور اداکار وہاج علی نے اپنے چاہنے والوں سے ملاقات کی۔
اس ملاقات اور مبارکباد کے سیشن کے دوران ایک مداح نے اداکارہ سے پوچھا کہ وہ ابھی تک سنگل کیوں ہیں۔
مداح کے سوال کا جواب دیتے ہوئے اداکارہ نے خود کو مشکل انسان قرار دیتے ہوئے کہا کہ شاید میرا مزاج کچھ مختلف اور مشکل ہے، اسی لیے میں ابھی تک سنگل ہوں۔
انہوں نے مزید کہا کہ سنگل رہنے کی وجہ اب بھی عجیب ہے لیکن مجھے اکیلے رہنے پر فخر ہے۔