اردو ورلڈ کینیڈا ( ویب نیوز ) ماہرین نے میانمار اور تھائی لینڈ میں آنے والے حالیہ زلزلے کو 334 ایٹم بموں کے برابر قرار دیا ہے۔

امریکی نشریاتی ادارے سے بات کرتے ہوئے ماہر ارضیات نے کہا کہ میانمار اور تھائی لینڈ میں زلزلے کے آفٹر شاکس کئی ماہ تک محسوس کیے جا سکتے ہیں۔انہوں نے کہا کہ میانمار اور تھائی لینڈ میں حالیہ زلزلے کی طاقت 334 ایٹم بموں سے خارج ہونے والی توانائی کے برابر ہے۔اب تک میانمار اور تھائی لینڈ میں زلزلے سے مرنے والوں کی تعداد 1700 سے تجاوز کر چکی ہے جبکہ امریکی جیولوجیکل سروے کے ماہرین کو خدشہ ہے کہ ہلاکتوں کی تعداد 10،000 سے تجاوز کر سکتی ہے۔