اردو ورلڈ کینیڈا ( ویب نیوز ) جدہ سے ہندوستان پہنچنے والے سعودی بوئنگ طیارے کو کولکتہ کے بین الاقوامی ہوائی اڈے پر لینڈنگ سے قبل ہنگامی صورتحال کا سامنا کرنا پڑا تاہم طیارہ فضا میں کئی چکر لگانے کے بعد بحفاظت اتر گیا۔

ایوی ایشن ذرائع کے مطابق سعودی کارگو طیارہ فلائٹ SV 972 نے جدہ انٹرنیشنل ایئرپورٹ سے 15 اپریل کی صبح مقامی وقت کے مطابق 3 بج کر 40 منٹ پر ہندوستان کے کولکتہ انٹرنیشنل ایئرپورٹ کے لیے اڑان بھری۔

بوئنگ 777 طیارہ تقریباً 5061 کلومیٹر کا فاصلہ ساڑھے 5 گھنٹے میں طے کرنے کے بعد کولکتہ بین الاقوامی ہوائی اڈے پر اترنے والا تھا۔ رات 11:37 پر مقامی وقت کے مطابق طیارے کو ریڈار سے ہنگامی سگنل موصول ہوا، پرواز 700 کلومیٹر فی گھنٹہ تھی۔ یہ 23550 فٹ فی گھنٹہ کی بلندی پر تھا۔ایئر ٹریفک کنٹرولر کی ہدایت پر طیارے کو ہوا میں روکا گیا اور پائلٹ نے 20 منٹ تک طیارے کا چکر لگایا۔بعد میں، طیارہ ہفتہ کو دوپہر 12:02 بجے کولکتہ بین الاقوامی ہوائی اڈے پر بحفاظت اترا۔