124
سوشل میڈیا پر وائرل ہونے والی ویڈیو میں دیکھا جا سکتا ہے کہ ایک خاتون حرم شریف میں فلسطین کا پرچم لہرا رہی ہے۔ خاتون کی جانب سے جھنڈا لہرانے کے چند سیکنڈ بعد سیکیورٹی اہلکار آئے اور خاتون کو فلسطینی پرچم لہرانے سے روک دیا۔خاتون کے گرد جمع لوگوں کو منتشر کرنے کے لیے مزید سیکیورٹی اہلکار بھی پہنچے اور لوگوں کو طواف جاری رکھنے کی ہدایت کی۔ ویڈیو میں فلسطینی پرچم لہرانے والی خاتون کو سیکیورٹی اہلکاروں سے بات کرتے ہوئے بھی دیکھا جاسکتا ہے۔فلسطینی پرچم لہرانے اور سیکیورٹی اہلکاروں کی جانب سے خاتون پر پابندی لگانے کی ویڈیو سوشل میڈیا پر ہزاروں افراد دیکھ چکے ہیں۔
