اردو ورلڈ کینیڈا ( ویب نیوز ) 24 گھنٹوں کے دوران صیہونی فوج کے حملوں میں مزید 95 فلسطینی شہید ہو گئے۔غیر ملکی میڈیا کے مطابق اسرائیل نے عالمی عدالت انصاف کے حکم اور بین الاقوامی دباؤ کے باوجود غزہ میں بے گناہ فلسطینیوں پر حملے جاری رکھے ہوئے ہیں۔

یہ بھی پڑھیں

عالمی دبائو کے باجود مزید ٹینک رفح روانہ،غزہ جنگ 7 ماہ جاری رہ سکتی ہے ،اسرائیل

گزشتہ 24 گھنٹوں کے دوران اسرائیلی حملوں میں مزید 95 فلسطینی شہید اور 350 زخمی ہوئے۔فلسطینی وزارت صحت کے مطابق غزہ میں شہید ہونے والے فلسطینیوں کی تعداد 36 ہزار 379 ہو گئی ہے جب کہ اسرائیلی حملوں میں اب تک 82 ہزار 407 فلسطینی زخمی ہو چکے ہیں۔دوسری جانب اسرائیل کی جانب سے خوراک پر پابندی کے باعث دیر البلاح میں ایک 13 سالہ بچہ بھوک سے دم توڑ گیا اور اس طرح غزہ میں غذائی قلت کے باعث ہلاکتوں کی تعداد 37 تک پہنچ گئی۔