اردو ورلڈ کینیڈا ( ویب نیوز)ایران کے ایٹمی توانائی کے ادارے نے کہا ہے کہ اس کی ایک جوہری ذیلی کمپنی کا ای میل سرور بیرون ملک سے ہیک کر لیا گیا ہے اور تمام معلومات آن لائن جاری کر دی گئی ہیں۔
غیر ملکی خبر رساں ادارے کی رپورٹ کے مطابق ’بلیک ریوارڈ‘ نامی ایرانی ہیکنگ گروپ نے سماجی ویب سائٹ ٹوئٹر پر کہا ہے کہ انھوں نے ایران میں ہونے والے مظاہروں کی حمایت کے لیے ایرانی جوہری سرگرمیوں کے حوالے سے ہیک کی گئی معلومات جاری کی ہیں۔
یاد رہے کہ گزشتہ ماہ 22 سالہ ماہا امینی کو اخلاقی پولیس نے اسکارف نہ پہننے پر گرفتار کیا تھا اور بعد میں اس پر بڑے مظاہرے شروع ہو گئے۔
ٹویٹر پر ہیکر کی جانب سے 22 اکتوبر کو ایک پوسٹ میں لکھا گیا تھا، "مہسا امینی اور خواتین کی زندگی اور آزادی کے لیے” اور پیغام کے ساتھ معلومات جاری کی گئیں۔
ہیکر گروپ بلیک ریوارڈز نے کہا کہ ہوشر پاور پلانٹ کے انتظامی اور آپریشنل شیڈول کے ساتھ ساتھ وہاں کام کرنے والے ایرانی اور روسی ماہرین کے پاسپورٹ اور ویزا، ملکی اور غیر ملکی شراکت داروں کے ساتھ جوہری معاہدے سے متعلق جاری کردہ معلومات تفصیلات بھی شامل ہیں۔
