جماعت اسلامی کا دھرنا آج چھٹے روز میں داخل،مذاکرات کا دوسرا دور آج ہوگا

31

اردوورلڈ کینیڈا( ویب نیوز)جماعت اسلامی کا دھرنا آج چھٹے روز میں داخل ہوگیا جب کہ حکومتی ٹیم کے ساتھ مذاکرات کا دوسرا دور آج ہوگا۔
بجلی کی قیمتوں میں اضافہ، غیر ضروری ٹیکسز، آئی پی پیز سے معاہدے اور سرکاری اخراجات کے خاتمے سمیت 10 مطالبات پر عملدرآمد کے لیے جماعت اسلامی کے دھرنے کا آج چھٹا روز ہے۔
مرکزی انجمن تاجران نے بھی جماعت اسلامی کے لیاقت باغ چوک راولپنڈی میں دھرنے کی حمایت میں آج ہڑتال کا اعلان کیا ہے، جس کے تحت آج شہر میں دکانیں بطور احتجاج بند رہیں گی۔ علاوہ ازیں جماعت اسلامی کے آج کے دھرنے میں تاجر رہنما اور دکاندار بھی شرکت کریں گے۔
ادھر جماعت اسلامی اور حکومتی ٹیم کے درمیان مذاکرات کا دوسرا اہم دور آج ہوگا۔ کمشنر آفس راولپنڈی میں سہ پہر 3 بجے ہونے والے مذاکرات کے لیے جماعت اسلامی نے اپنی ٹیم 3 سے بڑھا کر 6 کر دی ہے۔