اردو ورلڈ کینیڈا ( ویب نیوز )ایرانی سپریم لیڈ کا کہنا ہے کہ امریکہ کے ساتھ بات چیت کے بعد بھی صورتحال میں بہتری کی کوئی امید نہیں ہے۔

آیت اللہ خامنہ ای نے اسرائیلی جارحیت کے خلاف سخت کارروائی کرنے کے اپنے عزم کا اعادہ کرتے ہوئے کہا ہے کہ ایران صہیونی حکومت کو سخت جواب دے گا اور اس پر کوئی رحم نہیں کرے گا۔سوشل نیٹ ورکنگ ویب سائٹ X (سابقہ ٹویٹر) پر انگریزی میں اپنے پیغام میں آیت اللہ خامنہ ای نے کہا کہ ہمیں دہشت گرد صہیونی حکومت کو زبردست جواب دینا چاہیے۔. انہوں نے مزید لکھا کہ ہم صیہونیوں پر رحم نہیں کریں گے۔یہ بیان امریکی صدر ڈونلڈ ٹرمپ کی جانب سے ایران کو دی جانے والی دھمکیوں کے باوجود سامنے آیا ہے، جس سے یہ واضح ہوتا ہے کہ تہران اسرائیلی حملوں کا زبردستی جواب دینے کے لیے پرعزم ہے۔ایران اور اسرائیل کے درمیان حالیہ کشیدگی کے پس منظر میں سپریم لیڈر کا بیان مزید حملوں کی صورت میں تہران کی جانب سے سخت ردعمل کی نشاندہی کرتا ہے۔واضح رہے کہ ایران نے آپریشن صادق III کی 10ویں لہر شروع کی ہے جس نے اسرائیلی فضائی اڈوں پر بیلسٹک میزائلوں سے حملہ کیا ہے جبکہ 13 جون سے ایرانی میزائل حملوں میں 14 اسرائیلی ہلاک اور متعدد زخمی ہو چکے ہیں۔