آئندہ مالی سال 2024-25 کے لیے وفاقی حکومت کا بجٹ 16500 ارب روپے متوقع ہے جب کہ مالیاتی خسارے کا ہدف 9000 ارب روپے اور ٹیکس وصولیوں کا ہدف 11 ہزار ارب روپے مقرر کیے جانے کا امکان ہے۔وزارت خزانہ کے ذرائع کا کہنا ہے کہ پاکستان اور آئی ایم ایف نے آئندہ مالی سال 2024-25 کے اہم اہداف پر اصولی طور پر اتفاق کیا ہے تاہم اہداف کو بجٹ سازی کے موقع پر حتمی شکل دی جائے گی۔

ذرائع کا کہنا ہے کہ پاکستان میں آئی ایم ایف کی ٹیکنیکل ٹیم کے ساتھ مذاکرات کا دوسرا مرحلہ پیر سے شروع ہونے جا رہا ہے اور نگراں وزیر خزانہ ڈاکٹر شمشاد اختر بیرون ملک دورے سے واپسی کے بعد آئندہ ہفتے آئی ایم ایف کی ٹیم سے ملاقات کریں گے۔ جس میں آئی ایم ایف کی ٹیکنیکل ٹیم کی سفارشات کا جائزہ لیا جائے گا۔