اردوورلڈ کینیڈا ( ویب نیوز )پاکستان میں پیٹرولیم مصنوعات کی اسمگلنگ ماہانہ 120 ہزار ٹن تک پہنچ گئی، آئی ایم ایف نے ملک میں پیٹرولیم مصنوعات کی اسمگلنگ پر تشویش کا اظہار کردیا۔

فیڈرل بورڈ آف ریونیو کے ذرائع کے مطابق درآمدی بل میں کمی اور ریونیو شاٹ فال میں اضافے کے خدشے کے پیش نظر بین الاقوامی مالیاتی ادارے نے وزارت خزانہ اور ایف بی آر سے اس کی روک تھام کے لیے اقدامات سے متعلق رپورٹ جمع کرادی ہے۔
آئی ایم ایف نے سرحد پر کسٹم، ایجنسی کے اہلکاروں، فورسز کی تعداد اور استعداد بڑھانے کا مطالبہ کرتے ہوئے کہا ہے کہ پیٹرولیم مصنوعات کی اسمگلنگ سے کسٹم اور لیویز کی مد میں 10 ارب سے زائد کا نقصان ہورہا ہے، ماہانہ 143 ملین لیٹر پیٹرولیم مصنوعات کی سمگلنگ بند کی جائے۔
فنانس ڈویژن ذرائع کے مطابق آئی ایم ایف نے ایف بی آر اور وزارت خزانہ کو ریونیو بڑھانے کے لیے اقدامات کرنے کی بھی ہدایت کی ہے۔