اردوورلڈ کینیڈا( ویب نیوز)چوہدری برادران کے درمیان برف پگھل گئی ہے اور چوہدری شجاعت نے پرویز الٰہی سے ملاقات کی ہے۔
ذرائع کے مطابق چوہدری شجاعت حسین اور چوہدری پرویز الٰہی کے درمیان لاہور میں ملاقات ہوئی جس میں چوہدری وجاہت حسین نے اہم کردار ادا کیا۔ ملاقات کے لیے چوہدری وجاہت نے پرویز الٰہی کو قائل کیا کہ چوہدری شجاعت آپ سے بڑے ہیں اس لیے ان کے پاس جائیں۔
ملاقات میں چودھری شجاعت اور پرویز الٰہی نے ایک دوسرے کو گلے لگایا جب کہ دونوں نے ذاتی اور خاندانی سطح کے معاملات مل کر حل کرنے پر اتفاق کیا۔
ذرائع کے مطابق چوہدری برادران کی ملاقات میں صرف خاندانی تعلقات کی بہتری پر بات ہوئی اور دونوں نے سیاسی گفتگو سے گریز کیا۔