اردو ورلڈ کینیڈا ( ویب نیوز ) مشرقِ وسطیٰ میں کشیدگی میں مزید اضافہ ہو گیا ہے۔

ایران کے فوجی ادارے پاسداران انقلاب نے آپریشن وعدہ صادق کے تحت حملوں کی نئی لہر شروع کرنے کا اعلان کیا ہے اور دعویٰ کیا ہے کہ تازہ کارروائیوں میں خطے میں قائم امریکی اڈوں اور اسرائیلی اہداف کو نشانہ بنایا گیا۔ایرانی حکام کے مطابق حملوں کی 52 ویں کے دوران تین امریکی فوجی اڈوں اور اسرائیل کے مختلف اہداف کو نشانہ بنایا گیا۔ اس سے قبل 51 ویں حملے کو ایک شہید ایرانی جوڑے کی یاد سے منسوب کیا گیا تھا۔
ایرانی پاسداران انقلاب کا کہنا ہے کہ سعودی عرب کے شہر Al-Kharj میں قائم امریکی فوجی اڈے پر میزائل داغے گئے، جہاں مبینہ طور پر جدید لڑاکا طیاروں کی تربیت کے مراکز موجود ہیں۔
عرب ذرائع ابلاغ کے مطابق گزشتہ 15 دنوں کے دوران ایران پر امریکی اور اسرائیلی حملوں میں 1444 افراد جاں بحق ہوئے جبکہ لبنان میں اسرائیلی کارروائیوں کے نتیجے میں 826 افراد مارے گئے
اسی عرصے کے دوران ایران کے جوابی حملوں میں اسرائیل میں 14 افراد مارے گئے جبکہ مختلف ممالک میں امریکی فوجیوں سمیت متعدد افراد ہلاک ہوئے جن میں متحدہ عرب امارات، سعودی عرب، عراق، کویت، عمان اور بحرین شامل ہیں۔
عراقی مزاحمتی گروہ Kataib Hezbollah نے بھی امریکی تنصیبات پر ڈرون حملوں کی ذمہ داری قبول کی ہے۔ گروہ کے مطابق بغداد کے قریب واقع امریکی فوجی اڈے کو نشانہ بنایا گیا۔
ایرانی پاسداران انقلاب نے اسرائیلی وزیر اعظم کو سخت دھمکی دیتے ہوئے کہا کہ انہیں تلاش کر کے ہلاک کرنے کا ارادہ کیا جا چکا ہے۔ تاہم بعد میں اسرائیلی وزیر اعظم کے دفتر نے نیتن یاہو کی موت سے متعلق گردش کرنے والی خبروں کو افواہ قرار دیتے ہوئے کہا کہ وہ خیریت سے ہیں۔
ایرانی ذرائع ابلاغ کے مطابق امریکی اور اسرائیلی حملوں کے نتیجے میں Isfahan میں کئی مقامات پر دھماکے ہوئے اور دھوئیں کے بادل بلند ہوتے دیکھے گئے۔ ان حملوں میں 15 افراد جاں بحق ہونے کی اطلاعات ہیں۔