اردوورلڈ کینیڈا( ویب نیوز) پنجاب کی وزیر اعلیٰ مریم نواز شریف نے کہا ہے کہ بہت جلد کشمیر کی آزادی کا سورج طلوع ہو جائے گا۔.

کشمیری یوم خود ارادیت کے موقع پر اپنے پیغام میں مریم نواز نے کہا کہ کشمیری خود ارادیت کے دن پرہم شہداء کو خراج عقیدت پیش کرتے ہیں۔. آج مظلوم کشمیریوں کی جدوجہد آزادی کو سلام کرنے کا دن ہے۔.

انہوں نے کہا کہ اقوام متحدہ نے 5 جنوری 1949 کو کشمیریوں کے حق خود ارادیت کو تسلیم کیا۔. کشمیری بھائیوں اور بہنوں کو کئی دہائیوں سے ہندوستانی مظالم اور بربریت کا سامنا ہے۔. پاکستان کشمیر کے حق خود ارادیت کی مکمل حمایت کرتا رہے گا حکومت پاکستان متعلقہ فورمز پر کشمیر کاز کو اجاگر کر رہی ہے۔.

مریم نواز نے کہا کہ عالمی برادری کو کشمیری عوام کو جائز حقوق فراہم کرنے میں اپنا کردار ادا کرنا چاہیے۔. پاکستان کشمیر کے بغیر نامکمل ہے اور کشمیری عوام کی جدوجہد ہماری اپنی جدوجہد ہے۔. وہ دن زیادہ دور نہیں جب کشمیر کی آزادی کا سورج  طلوع ہوگا۔.