میڈیا رپورٹس میں بتایا گیا کہ میتھیو پیری اپنی موت سے دو گھنٹے قبل اچار بال کھیل کر گھر واپس آئے تھے جس کے بعد اداکار نے اپنے معاون کو کسی کام کے لیے باہر بھیج دیا تھا۔
معلوم ہوا ہے کہ جب اداکار کے اسسٹنٹ دو گھنٹے بعد گھر واپس آئے تو میتھیو اپنے واش روم کے ٹب میں مردہ پائے گئے جس کے بعد فوری طور پر پولیس کو اطلاع دی گئی۔
ابتدائی تفتیش کے دوران پولیس کو جائے وقوعہ سے کوئی منشیات نہیں ملی اور نہ ہی لڑائی کا کوئی ثبوت ملا۔
واضح رہے کہ میتھیو پیری نے 1994 میں شروع ہونے والی ٹیلی ویژن سیریز ’فرینڈز‘ میں ’چنڈلر بِنگ‘ کے مشہور کردار سے دنیا بھر میں شہرت حاصل کی تھی اور اس کا آخری سیزن 2004 میں نشر ہوا تھا۔
اس سیریز نے دنیا بھر میں مقبولیت حاصل کی اور درجنوں ایوارڈز اپنے نام کیے جب کہ اس ’فرینڈز‘ کے تمام اداکاروں کو بھی سیریز میں اپنے کرداروں کی وجہ سے شہرت ملی۔
سیریز "فرینڈز” چھ دوستوں روس، مونیکا، چاندلر، فوبی، ریچل اور جوئی کے گرد گھومتی ہے۔
