ذرائع کا کہنا ہے کہ بانی پی ٹی آئی نے محمود خان اچکزئی کی حمایت کی اجازت دے دی ہے.
یاد رہے کہ عام انتخابات میں محمود اچکزئی این اے 266 قلعہ عبداللہ کم چمن سے 67 ہزار 28 ووٹ لے کر رکن قومی اسمبلی منتخب ہوئے تھے.
دوسری جانب پاکستان پیپلز پارٹی کے شریک چیئرمین آصف علی زرداری کے صدارتی انتخابات کے لیے کاغذات نامزدگی موصول ہوئے ہیں.
واضح رہے کہ الیکشن کمیشن نے 9 مارچ کو ہونے والے صدارتی انتخابات کے شیڈول کا اعلان کیا ہے جس کے لیے 2 مارچ کو دوپہر 12 بجے سے پہلے کاغذات نامزدگی جمع کرائے جا سکتے ہیں.
انتخابی شیڈول کے مطابق ریٹرننگ آفیسر کی جانب سے 4 مارچ کو صبح 10 بجے کاغذات نامزدگی کی جانچ پڑتال کی جائے گی، کاغذات نامزدگی 5 مارچ کو دوپہر 12 بجے واپس لیے جاسکتے ہیں، امیدواروں کی فہرست 5 مارچ کو دوپہر 1 بجے ظاہر کی جائے گی اور واپسی کی تاریخ 6 مارچ ہوگی.
صدارتی انتخابات کے لیے پولنگ 9 مارچ کو صبح 10 بجے سے شام 4 بجے تک پارلیمنٹ ہاؤس اور چار صوبائی اسمبلیوں میں ہوگی.