34
اردوورلڈ کینیڈا( ویب نیوز)سپریم کورٹ نے 26ویں آئینی ترمیم کے خلاف درخواست واپس لینے پر خارج کر دی
سپریم کورٹ کے تین رکنی بنچ جس کی سربراہی چیف جسٹس آف پاکستان جسٹس قاضی فیض عیسیٰ کر رہے تھے نے 26ویں آئینی ترمیم پر رجسٹرار آفس کے اعتراضات کے خلاف اپیل کی سماعت کی، جس میں حامد خان درخواست گزاروں کی جانب سے عدالت میں پیش ہوئے۔.
ایڈوکیٹ حامد خان نے عدالت میں موقف اختیار کیا کہ ہم درخواست واپس لینا چاہتے ہیں۔.
چیف جسٹس نے استفسار کیا کہ آپ کو درخواست واپس لینے کیلئے انگیج کیا گیا؟ یہ تو زبیری صاحب بھی کہہ سکتے تھےجس پر ایڈوکیٹ حامد خان نے جواب دیا کہ میں تمام درخواست گزاروں کی جانب سے پیش ہوا۔.
بعد ازاں سپریم کورٹ نے مجوزہ آئینی ترمیم کے خلاف درخواست کو دستبرداری کی بنیاد پر خارج کر دیا۔.
