اردوورلڈ کینیڈا (ویب نیوز) سپریم جوڈیشل کونسل نے لاہور ہائیکورٹ کے 11 ایڈیشنل ججز کی خدمات کو ریگولر کرنے کی سفارش کر دی۔

یہ فیصلہ بدھ کو چیف جسٹس آف پاکستان (سی جے پی) جسٹس عمر عطا بندیال کی زیر صدارت سپریم جوڈیشل کونسل کے اجلاس میں کیا گیا۔

کونسل نے 13 میں سے 11 ججز کی خدمات کو ریگولرائز کرنے کا فیصلہ کیا جن میں جسٹس طارق ندیم، جسٹس امجد رفیق، جسٹس عابد حسین چٹھہ، جسٹس انور حسین، جسٹس علی ضیا باجوہ، جسٹس سلطان تنویر، جسٹس رضا قریشی اور جسٹس راحیل کامران شامل ہیں۔

تاہم کونسل نے جسٹس شان گل اور جسٹس سہیل ناصر کے نام خارج کردیئے۔