اردو ورلڈ کینیڈا ( ویب نیوز ) مشرق وسطیٰ کی کشیدہ صورتحال کے درمیان چینی صدر شی جن پنگ نے 4 اہم تجاویز پیش کی ہیں۔.
چینی وزارت خارجہ کے مطابق صدر شی جن پنگ نے مشرق وسطیٰ کی کشیدہ صورتحال کے پیش نظر پیش کی گئی چار تجاویز میں فوری جنگ بندی کا مطالبہ کیا ہے۔چینی وزارت خارجہ نے کہا کہ صدر نے فوری جنگ بندی کا مطالبہ کرتے ہوئے اپنی تجاویز میں شہریوں کی حفاظت کو یقینی بنانے کو ترجیح دی، مذاکرات اور بات چیت کو آگے بڑھنے کا بنیادی راستہ قرار دیا، اور امن کے لیے عالمی برادری کی کوششوں کو ناگزیر قرار دیا۔اس سے قبل روسی صدر پیوٹن اور چینی صدر شی جن پنگ نے ٹیلی فون پر بات چیت کی تھی جس میں دونوں رہنماؤں نے ایران پر اسرائیلی حملے کی شدید مذمت کی تھی اور اسے بین الاقوامی قوانین کی خلاف ورزی قرار دیا تھا۔شی جن پنگ اور پوتن نے ایران اسرائیل جنگ کے سفارتی حل پر زور دیا اور کہا کہ ایرانی جوہری پروگرام سے متعلق تمام مسائل کا کوئی فوجی حل نہیں ہے۔چینی صدر شی جن پنگ نے کہا کہ وہ ایران کے معاملے پر روسی ثالثی کے حق میں ہیں۔. روسی ثالثی کشیدگی کو کم کرنے میں مدد کر سکتی ہے۔. ایران اسرائیل تنازعہ میں ممکنہ امریکی مداخلت خوفناک کشیدگی کی ایک اور وجہ ہو گی۔
