اردوورلڈ کینیڈا( ویب نیوز)بالی ووڈ اداکارہ کرینہ کپور نے اپنے گھر پر پیش آنے والے واقعے کے حوالے سے پولیس کو ایک بیان ریکارڈ کیا۔.
بھارتی میڈیا کی رپورٹ کے مطابق کرینہ کپور نے پولیس کو بیان دیتے ہوئے کہا کہ چور بہت غصے میں تھا لیکن واقعے کے دوران میرے زیورات کو بھی ہاتھ نہیں لگایا۔.
کرینہ کپور کے مطابق ملزم مزاحمت پر مشتعل ہو کر میرے زیورات کے لیے پہنچ گیا اور ڈبے کھول دیے لیکن اس میں سے کسی کو ہاتھ بھی نہیں لگا۔.
واضح رہے کہ دو روز قبل ممبئی کے علاقے باندرہ میں ڈکیتی کے دوران ملزم نے اداکار کو مزاحمت کرتے ہوئے چاقو کے متعدد زخموں سے شدید زخمی کر دیا تھا جس کے بعد انہیں لیلاوتی ہسپتال منتقل کر دیا گیا تھا۔.
سیف علی خان کی ہسپتال میں دو سرجری ہوئیں جب کہ ڈاکٹر نے انکشاف کیا کہ ان کے جسم سے چاقو کا ایک ٹکڑا بھی برآمد ہوا ہے جس کے نتیجے میں کل 6 زخم آئے جن میں سے 2 گہرے تھے۔.
سیف علی خان کے گھر پر پیش آنے والے واقعے کے بعد مختلف قیاس آرائیاں جاری ہیں جبکہ پولیس بھی اپنی تحقیقات کر رہی ہے۔. ایک اور میڈیا رپورٹ میں انکشاف کیا گیا ہے کہ ملزم نے بھی واقعے سے قبل شاہ رخ خان کے گھر میں داخل ہونے کی کوشش کی تھی لیکن سیکیورٹی کی وجہ سے وہ ناکام رہا۔
