اردو ورلڈ کینیڈا ( ویب نیوز )ٹورنٹو بلیو جیز نے ورلڈ سیریز کے پانچویں میچ میں لاس اینجلس ڈاجرز کو 1-6 سے شکست دے کر 1993 کے بعد اپنی پہلی چیمپئن شپ کے انتہائی قریب پہنچ گئی ہے۔

22 سالہ نوجوان ٹری یساویج نے شاندار بولنگ کرتے ہوئے ورلڈ سیریز کی تاریخ میں 12 اسٹرائیک آؤٹس کر کے نیا ریکارڈ قائم کیا۔ میچ کے آغاز میں ہی ڈیوس شناڈر اور ویلاڈیمیر گوریرو جونیئر نے ڈاجرز کے بلیک اسنیل کی پہلی اور تیسری گیند پر مسلسل دو ہوم رنز لگا کر ٹیم کو برتری دلا دی۔ یساویج نے سات اننگز میں صرف تین ہٹس اور ایک رن دیا، جو صرف کیکے ہرنینڈیز کے سولو ہوم رن سے آیا۔ نوجوان بولر، جس نے سیزن کا آغاز Class-A سطح سے کیا تھا، نے اپنے سپلٹر اور سلائیڈر سے 23 سوئنگ اینڈ میسز حاصل کیے جو 2008 کے بعد ورلڈ سیریز میں سب سے زیادہ ہیں۔
ٹورنٹو کے کوچ جان شناڈر نے اسے غیر معمولی اعتماد اور مہارت کا مظاہرہ قرار دیا۔ بلیو جیز نے جارحانہ بیٹنگ کرتے ہوئے ابتدائی اننگز میں ہی کھیل پر گرفت مضبوط کرلی اور مجموعی طور پر چھ رنز بنائے جبکہ ڈاجرز صرف ایک رن تک محدود رہی۔ ڈاجرز کے منیجر ڈیو رابرٹس کی حکمت عملی ناکام ثابت ہوئی، ان کی ٹیم پورے سیریز میں صرف .202 کی اوسط سے بیٹنگ کر رہی ہے اور آخری 29 اننگز میں صرف چار رنز بنا سکی ہے۔ ورلڈ سیریز میں اب ٹورنٹو بلیو جیز 3-2 کی برتری حاصل کر چکی ہے اور اسے صرف ایک فتح درکار ہے تاکہ وہ 1993 کے بعد پہلا ورلڈ سیریز ٹائٹل اپنے نام کر سکے۔ چھٹا میچ جمعہ کی رات ٹورنٹو کے راجرز سینٹر میں کھیلا جائے گا جہاں ڈاجرز کے یاماموتو اور بلیو جیز کے کیون گاؤزمین دوبارہ آمنے سامنے ہوں گے۔