اردو ورلڈ کینیڈا ( ویب نیوز)اقوام متحدہ نے پیر کے روز ان حالات کی مکمل تحقیقات کا مطالبہ کیا ہے
ارشد شریف کینیا کی پولیس نے اتوار 23 اکتوبر کی رات کو گولی مار کر قتل کر دیا تھا، جس میں حکام کا کہنا تھا کہ "غلطی سے شناخت نہ ہونے کے باعث واقعہ ہوا
پولیس رپورٹ میں کہا گیا ہے کہ اہلکاروں کی فائرنگ کے بعد بھی ان کی گاڑی رکے بغیر روڈ بلاک سے گزر گئی۔ شریف کی موت کے حالات نے پاکستان میں بڑے پیمانے پر غم و غصے کو جنم دیا اور تحقیقات کا مطالبہ کیا۔
اقوام متحدہ کے سیکرٹری جنرل کے ترجمان سٹیفن ڈوجارک نے نیویارک میں اقوام متحدہ کے ہیڈ کوارٹر میں دوپہر کی باقاعدہ بریفنگ کے دوران ایک سوال کے جواب میں کہا کہ "میں نے اس واقعے کے بارے میں افسوسناک رپورٹس دیکھی ہیں۔”
انہوں نے امید ظاہر کی کہ کینیا کے حکام اس واقعے کی تحقیقات کریں گے جس میں صحافی کو قتل کیا گیا تھا۔
ایک روز قبل، امریکی محکمہ خارجہ نے کینیا کے حکام پر زور دیا تھا کہ وہ شریف کی موت کی مکمل تحقیقات کریں۔
