64
واشنگٹن میں امریکی محکمہ خارجہ کے نائب ترجمان ویدانت پٹیل نے پریس بریفنگ میں کہا کہ پاکستان کے انتخابی عمل پر گہری نظر رکھی جا رہی ہے۔امریکی محکمہ خارجہ کے نائب ترجمان نے کہا کہ انہیں پرتشدد واقعات، میڈیا پر پابندی، انٹرنیٹ کی آزادی اور اظہار رائے میں رکاوٹوں پر تشویش ہے۔ وہ چاہتے ہیں کہ انتخابی عمل میں اظہار رائے کی آزادی کا احترام کیا جائے۔انہوں نے کہا کہ پاکستانیوں کو یہ حق حاصل ہے کہ وہ آزادانہ اور منصفانہ انتخابات کے ذریعے اپنے قائدین کا انتخاب کریں، بغیر کسی خوف، تشدد یا دھمکی کے پاکستانی عوام کو اپنے سیاسی مستقبل کا فیصلہ کرنا ہے۔
