اردو ورلڈ کینیڈ ا ( ویب نیوز) امریکہ یوکرین کو مزید 400 ملین ڈالر کی امداد بھیج رہا ہے اور جرمنی میں ایک سیکورٹی امدادی ہیڈکوارٹر قائم کر رہا ہے جو یوکرین کے لیے تمام ہتھیاروں کی منتقلی اور فوجی تربیت کی نگرانی کرے گا
یہ بات قابل ذکرہےکہ 400 ملین ڈالر کی امداد میں اضافی فضائی دفاع کے لیے فنڈنگ شامل ہے تاکہ یوکرین کو بڑھتے ہوئے R ussian میزائل اور ڈرون حملوں کے خلاف بہتر طریقے سے دفاع کرنے میں مدد ملے جس نے ملک کی بجلی اور پانی کے بنیادی ڈھانچے کو بری طرح نقصان پہنچایا ہے۔
وائٹ ہاؤس کے قومی سلامتی کے مشیر جیک سلیوان نے کیف میں ایک پریس کانفرنس میں کہا کہ ہم اس نازک لمحے میں فضائی دفاع کی شدید ضرورت کو تسلیم کرتے ہیں جب روس اور روسی افواج اس ملک کے شہری انفراسٹرکچر پر میزائلوں اور ایرانی ڈرونز کی بارش کر رہی ہیں
اضافی فضائی دفاع ہاک سطح سے فضا میں مار کرنے والے طیارہ شکن میزائلوں کے ذریعے فراہم کیا جائے گا جو یوکرین کو ڈرون کے خلاف فضائی دفاع میں مدد کے لیے فراہم کیے جائیں گے۔
