اردو ورلڈ کینیڈا ( ویب نیوز ) امریکی صدر ڈونلڈ ٹرمپ کا کہنا ہے کہ امریکی طیاروں نے تین ایرانی جوہری تنصیبات پر حملہ کیا ہے۔

ڈونلڈ ٹرمپ نے کہا کہ امریکی طیاروں نے فورڈو، نتنز اور اصفہان میں ایرانی جوہری تنصیبات پر حملہ کیا ہے۔امریکی صدر ڈونلڈ ٹرمپ نے اپنے سوشل میڈیا اکاؤنٹ پر حملے کی تفصیلات بتاتے ہوئے کہا کہ تین ایرانی جوہری مقامات پر کامیاب حملہ مکمل ہو چکا ہے۔انہوں نے کہا کہ امریکی فضائیہ نے ایران کے تین اہم جوہری مراکز پر کامیابی سے حملہ کیا، جس میں فورڈو، نتنز اور اصفہان کے جوہری مقامات کو نشانہ بنایا گیا۔ حملے میں فورڈو نیوکلیئر پلانٹ مکمل طور پر تباہ ہو گیا ۔حملے کے دوران تمام طیارے ایرانی فضائی حدود سے باہر پہنچ چکے ہیں اور ان کی واپسی کا سفر کامیابی سے جاری ہے۔صدر ٹرمپ نے کہا کہ بموں کا مکمل پے لوڈ فورڈو جوہری تنصیب پر گرایا گیا جس سے اس اہم جوہری مقام کو شدید نقصان پہنچا۔ا

امریکی صدر نے اس آپریشن کو دنیا کا سب سے پیشہ ورانہ اور کامیاب فضائی آپریشن قرار دیتے ہوئے کہا ہے کہ دنیا میں کوئی اور فوجی تنظیم اس قسم کے آپریشن کرنے کی صلاحیت نہیں رکھتی۔”یہ ایک شاندار کامیابی ہے اور اس کا سہرا ہمارے بہادر امریکی فوجیوں کو جاتا ہے۔. اب وقت آگیا ہے کہ ہم امن کی طرف بڑھیں۔صدر ڈونلڈ ٹرمپ نے کہا کہ اگر ایران نہیں رکا تو وہ دوبارہ حملہ کرے گا۔ دوسری جانب ایرانی میڈیا کے مطابق ایرانی حکام نے امریکا کو خبردار کیا تھا کہ خطے میں ہر امریکی شہری اور فوجی ہمارا ہدف ہے۔ ایران امریکی حملے کا زبردست جواب دینے کی تیاری کر رہا ہے۔صدر ڈونلڈ ٹرمپ ایرانی جوہری تنصیبات پر حملے کے بعد بھی قوم سے خطاب کریں گے۔غیر ملکی میڈیا رپورٹس کے مطابق اسرائیلی وزیر اعظم نے اس حملے پر صدر ٹرمپ کا شکریہ ادا کیا جب کہ مبینہ طور پر اس حملے میں B-2 بمبار طیاروں کا استعمال کیا گیا جو گزشتہ روز مشرق وسطیٰ میں امریکی فوجی اڈے پر پہنچا دیا گیا تھا۔

We must give a strong response to the terrorist Zionist regime.
We will show the Zionists no mercy.

— Khamenei.ir (@khamenei_ir) June 17, 2025

ایران نے پہلی بار باضابطہ طور پر اس بات کی تصدیق کی ہے کہ امریکی حملوں کے نتیجے میں فورڈو، نتنز اور اصفہان میں جوہری مقامات پر بمباری کی گئی۔ایران کی سرکاری خبر رساں ایجنسی کے مطابق صوبہ قم کے کرائسس مینجمنٹ کے ترجمان مرتضیٰ حیدری نے کہا کہ فضائی حملے میں فورڈو جوہری تنصیب کا ایک حصہ متاثر ہوا ہے۔اس سے قبل ایران کے ڈپٹی پولیٹیکل ڈائریکٹر حسن عبادی نے ایران کے سرکاری ٹی وی پر دعویٰ کیا تھا کہ حملے سے قبل تینوں جوہری مقامات کو خالی کرا لیا گیا تھا۔انہوں نے کہا کہ اگرچہ ڈونلڈ ٹرمپ کے الفاظ درست ہیں لیکن ایران کو کوئی بڑا نقصان نہیں پہنچا کیونکہ جوہری مواد پہلے ہی ہٹا دیا گیا تھا۔ایرانی میڈیا کے مطابق اسرائیل نے اصفہان میں ایک جوہری مقام کو نشانہ بنایا ہے تاہم اسرائیلی حملے کے نتیجے میں کوئی خطرناک مواد جاری نہیں کیا جا رہا ہے۔