اردوورلڈکینیڈا( ویب نیوز)امریکا کی ایک وفاقی عدالت نے ڈونلڈ ٹرمپ کے اُس ایگزیکٹو آرڈر کے ایک اہم حصے کو کالعدم قرار دے دیا ہے، جس کے تحت شہریوں کو ووٹ ڈالنے سے پہلے شہریت کا ثبوت پیش کرنا لازمی قرار دیا گیا تھا۔
عدالتی فیصلے میں کہا گیا ہے کہ وفاقی سطح پر صدر کو یہ اختیار حاصل نہیں کہ وہ شہریوں پر ووٹنگ کے لیے ایسی آئینی پابندی عائد کرے۔جج کے مطابق یہ اقدام امریکی آئین میں دیے گئے انتخابی حقوق سے مطابقت نہیں رکھتا۔
یاد رہے کہ مارچ میں ڈونلڈ ٹرمپ نے ایک ایگزیکٹو آرڈر جاری کیا تھا جس کے تحت ووٹ ڈالنے کے لیے شہری ہونا لازمی قرار دیا گیا تھا۔ تاہم عدالت نے اس فیصلے کو غیر آئینی اور اختیارات سے تجاوز قرار دیتے ہوئے مسترد کر دیا۔
سیاسی مبصرین کا کہنا ہے کہ یہ فیصلہ آئندہ صدارتی انتخابات سے قبل امریکی انتخابی قوانین پر جاری بحث کو مزید شدت دے سکتا ہے۔
دوسری جانب، بین الاقوامی میڈیا رپورٹس کے مطابق امریکا نے یوکرین کو طویل فاصلے تک مار کرنے والے “ٹوماہاک” میزائل فراہم کرنے کی منظوری دے دی ہے، تاہم اس کی حتمی منظوری کا فیصلہ صدر ڈونلڈ ٹرمپ کریں گے۔
