امریکی اخبارکی رپورٹ کے مطابق امریکی خفیہ ایجنسی نے کینیڈا میں مقیم سکھ رہنما ہردیپ سنگھ کے قتل کی تحقیقات میں اہم کردار ادا کیا اور کینیڈا کو ایسی معلومات فراہم کیں جن سے ثابت ہوا کہ اس قتل میں بھارت ملوث ہے۔
رپورٹ میں مزید کہا گیا ہے کہ ہردیپ سنگھ نگر قتل کے بارے میں متعلقہ معلومات امریکہ نے مختلف انٹیلی جنس اسٹریمز کے پیکج کے طور پر شیئر کی تھیں۔ امریکہ نے ہندوستان کینیڈا تنازعہ میں کینیڈا کی حمایت اور تعاون کا باضابطہ اعلان کیا ہے۔
امریکی وزیر خارجہ اینٹونی بلینکن نے بھارت سے کہا ہے کہ وہ سکھ رہنما کے قتل کی تحقیقات میں کینیڈا کے ساتھ تعاون کرے اور ہردیپ سنگھ نگر کے قتل کے لیے احتساب کو یقینی بنائے۔