ٹیلی فونک گفتگو کے دوران دونوں رہنماؤں نے خطے میں استحکام اور تنازعات کو پھیلنے سے روکنے کے لیے سفارتی کوششیں بڑھانے پر اتفاق کیا، اس کے علاوہ آنے والے دنوں میں قریبی ذاتی اور ٹیم رابطے میں رہنے کا فیصلہ کیا۔

غیر ملکی میڈیا کے مطابق سعودی ولی عہد محمد بن سلمان نے گفتگو میں کہا کہ سعودی عرب شہریوں کو کسی بھی طرح سے نشانہ بنانے اور عام لوگوں کی زندگیوں سے متعلق انفراسٹرکچر پر حملوں کی مذمت کرتا ہے، یہ خطے اور دنیا کے امن کے لیے ممکنہ خطرہ ہے۔

غزہ کا محاصرہ اور جنگ بندی کا جلد از جلد خاتمہ ضروری ہے۔

امریکی صدر جو بائیڈن نے کہا ہے کہ غزہ میں امداد تیزی سے نہیں پہنچ رہی، امریکا فلسطینی عوام کے حق خودارادیت اور وقار کے لیے پرعزم ہے، حماس کے جنگجوؤں کی کارروائیاں یہ حق نہیں چھین سکتیں۔