Imran 
اردو ورلڈ کینیڈا ( ویب نیوز ) امر یکہ کے وزیر خارجہ انتھونی بلینکن نے اسرائیلی وزیراعظم نیتن یاہو سے ملاقات کی اور جنگ کے بعد غزہ منصوبے پر تبادلہ خیال کیا۔میڈیا رپورٹس کے مطابق امریکی محکمہ خارجہ نے کہا ہے کہ بلینکن نے اسرائیلی وزیراعظم نیتن یاہو سے ملاقات میں غزہ تنازع کو خطے میں پھیلنے سے روکنے کی اہمیت پر زور دیا۔
انتھونی بلینکن نے کہا کہ امریکی صدر کا مجوزہ منصوبہ اسرائیل کی شمالی سرحد پر امن کی ضمانت دے گا۔بلینکن کا مزید کہنا تھا کہ مجوزہ منصوبہ خطے کے ممالک کے ساتھ اسرائیل کے تعلقات کے امکانات کو کھول دے گا۔یروشلم سے نکلنے کے بعد بلینکن شاہ عبداللہ سے ملاقات کے لیے اردن جائیں گے اور غزہ میں جنگ بندی کے علاوہ خطے کی صورتحال پر بات چیت کریں گے۔
واضح رہے کہ امریکی وزیر خارجہ انتھونی بلینکن مشرق وسطیٰ کے دورے پر پیر کو قاہرہ پہنچے تھے جہاں انہوں نے علاقائی رہنماؤں پر حماس پر دباؤ ڈالنے کی ضرورت پر زور دیا تھا کہ وہ جنگ بندی کے معاہدے کے امریکی منصوبے کو قبول کرے۔قاہرہ غزہ جنگ کے دوران اسرائیل کے مشرق وسطیٰ کے آٹھویں دورے کا نقطہ آغاز ہے جہاں انہوں نے گزشتہ روز صدر عبدالفتاح السیسی سے ملاقات کی۔جنگ بندی کے لیے ان کا غزہ کا دورہ خاص طور پر غیر معمولی ہے کہ یہ پہلی بار ہے جب امریکہ مستقل جنگ بندی کی بات کر رہا ہے، اور جو بائیڈن کا منصوبہ سامنے آنے کے بعد یہ پہلا موقع ہے کہ بلینکن شپ سامنے آئی ہے۔
