اردو ورلڈ کینیڈا ( ویب نیوز ) ماہرین نے سلاد میں سب سے زیادہ استعمال ہونے والی سبزی کو سب سے کم غذائیت والی سبزی قرار دیا

یونیورسٹی آف لوزیانا سکول آف پبلک ہیلتھ کی جانب سے ایک تحقیق کی گئی جس کے مطابق سلاد میں سب سے

زیادہ استعمال ہونے والی سبزی کھیرے کو سب سے بیکار سبزی قرار دیا گیا ہے۔

محققین کا کہنا تھا کہ سلاد روزانہ کی بنیاد پر استعمال کیے جاتے ہیں لیکن اس کے لیے ایسی سبزیوں کا انتخاب کرنا بھی ضروری ہے جو

پروٹین، وٹامنز، منرلز اور اینٹی آکسیڈنٹس سے بھرپور ہوں۔

محققین نے مزید بتایا کہ کھیرا قدرتی طور پر پانی سے بھرپور ہوتا ہے لیکن اس میں غذائی اجزاء

بہت کم مقدار میں پائے جاتے ہیں جو انسانی صحت کے لیے کوئی خاص فائدہ نہیں رکھتے۔

سلاد کے لیے بہترین سبزیاں کون سی ہیں؟

محققین نے سلاد کھانے والوں کو بتایا کہ بہترین سلاد سبزیاں پالک، بروکولی، ٹماٹر

چکوری، گاجر اور شملہ مرچ ہیں جو کہ غذائیت سے بھرپور ہیں۔

تحقیق سے ثابت ہوا ہے کہ کھیرے میں صرف 0.1 گرام چکنائی، 0.3 گرام فائبر، 0.3 گرام پروٹین، 8.5 مائیکرو گرام وٹامنز، 1.5 ملی گرام وٹامن سی اور 76.4 ملی گرام پوٹاشیم ہوتا ہے، جو کہ غذائیت میں انتہائی کم ہوتے ہیں۔