اردو ورلڈ کینیڈا ( ویب نیوز )وزیراعظم شہباز شریف نے کہا ہے کہ عمران نیازی کی حکومت کے خلاف عدم اعتماد کا ووٹ ایک غیر معمولی واقعہ تھا۔وزیر اعظم شہباز شریف نے وزارت عظمی کا عہدہ سنبھالنے کا ایک سال مکمل ہونے پر بیان میں کہا کہ جب انہوں نے اقتدار سنبھالا تو حالات بہت مشکل تھے اور انہیں بہت سے چیلنجز کا سامنا تھا۔
The passage of No-Confidence Vote against Imran Niazi's government was unprecedented not because PDM came into power but because almost all of Pakistan's political forces came together to use the forum of Parliament to vote out an unpopular govt through constitutional means. 2/n
— Shehbaz Sharif (@CMShehbaz) April 11, 2023
وزیراعظم نے مزید کہا کہ عمران نیازی حکومت کے خلاف تحریک عدم اعتماد کی کامیابی ایک غیر معمولی واقعہ ہے۔ یہ صرف اس لیے نہیں کہ تحریک عدم اعتماد کے بعد پی ڈی ایم حکومت برسراقتدار آئی بلکہ یہ وہ موقع تھا جب پاکستان کی تقریبا تمام سیاسی قوتیں ایک غیر مقبول حکومت کو آئینی طور پر ہٹانے کے لیے پارلیمنٹ کے فورم کو استعمال کرنے کے لیے اکٹھی ہوئیں۔
انہوں نے کہا کہ مختلف منشور رکھنے والی جماعتوں نے قومی مفاد پر اتحاد کا مظاہرہ کیا جو ملک میں سیاسی انقلاب کی جانب ایک اہم قدم ہے۔ محاذ آرائی کے برعکس، یہ سیاسی مفاہمت اور تعاون کی سیاست کے ایک نئے دور کا آغاز تھا۔
شہباز شریف نے مزید کہا کہ عمران خان کی جانب سے بچھائی گئی اقتصادی بارودی سرنگوں اور عالمی سطح پر تیل اور خوراک کی سپلائی لائنوں میں رکاوٹوں کے باوجود پاکستان کی معیشت میں بہتری آرہی ہے۔ دیوالیہ ہونے کی تمام پیشین گوئیاں غلط ثابت ہوئیں۔ حکومت ملکی معیشت کی بحالی کے لیے مخلصانہ کوششیں کر رہی ہے۔
