اردو ورلڈ کینیڈا ( ویب نیوز)آئندہ بارہ گھنٹوں کے دوران ملک کے بالائی اور وسطی علاقوں میں مطلع ابر آلود رہنے کا امکان ہے۔
تاہم اسلام آباد، بالائی اور وسطی پنجاب، خیبرپختونخوا، گلگت بلتستان اور کشمیر میں آندھی اور گرج چمک کے ساتھ بارش اور پہاڑی علاقوں میں برفباری کا امکان ہے۔
بالائی خیبرپختونخوا، کشمیر اور گردونواح میں الگ تھلگ موسلادھار بارشوں کا بھی امکان ہے۔ بالائی پنجاب اور خیبرپختونخوا میں چند مقامات پر ژالہ باری کا بھی امکان ہے۔
آج صبح ریکارڈ کیے گئے چند بڑے شہروں کے درجہ حرارت:
اسلام آباد اور مظفرآباد سولہ ڈگری سینٹی گریڈ، مری بارہ، لاہور اور پشاور بائیس، کراچی بائیس، کوئٹہ اور گلگت دس ڈگری سینٹی گریڈ۔
بھارتی غیر قانونی طور پر مقبوضہ جموں و کشمیر کے لیے محکمہ موسمیات کی پیش گوئی کے مطابق سری نگر، لیہہ، جموں، پلوامہ، اننت ناگ، شوپیاں اور بارہمولہ میں بارش، آندھی اور گرج چمک کے ساتھ موسم جزوی طور پر ابر آلود رہنے کا امکان ہے۔
آج صبح ریکارڈ کیا گیا درجہ حرارت:
سری نگر، پلوامہ، اننت ناگ، شوپیاں اور بارہمولہ آٹھ ڈگری سینٹی گریڈ، جموں سترہ اور لیہہ میں منفی ایک ڈگری سینٹی گریڈ۔
