149
اردو ورلڈ کینیڈا ( ویب نیوز ) وائٹ ہاؤس نے پشاور میں مسجد کے اندر ہونے والے خودکش دھماکے میں قیمتی انسانی جانوں کے ضیاع پر دکھ کا اظہار کیا اور سوگواران سے اظہار تعزیت کیا۔
وائٹ ہاؤس کی قومی سلامتی کونسل کے ترجمان ایڈرین واٹسن نے اپنے بیان میں کہا کہ پشاور سے افسوسناک اور دل دہلا دینے والی خبر آئی ہے ۔
نمازیوں پر حملہ ناقابل معافی فعل ہے۔ترجمان وائٹ ہاؤس نے کہا کہ دہشت گردی ناقابل دفاع ہے، نمازیوں کو نشانہ بنانا غیر ذمہ دارانہ فعل ہے۔ایڈرین واٹسن کا مزید کہنا تھا کہ امریکا پاکستان کی بحالی اور تعمیر نو کی کوششوں میں مدد کے لیے تیار ہے۔
واضح رہے کہ پشاور میں پولیس لائنز کے اندر مسجد میں خودکش دھماکے کے نتیجے میں 100 افراد شہید اور 140 سے زائد زخمی ہوگئے تھے۔ زخمیوں کا مختلف اسپتالوں میں علاج جاری ہے۔
