اردو ورلڈ کینیڈ ا ( ویب نیوز ) ایک امریکی خاتون نے اپنا گھر فیس لفٹ سرجری کے لیے بیچ دیا اور اب ایک وین میں رہتی ہے۔

غیر ملکی میڈیا رپورٹس کے مطابق امریکی ریاست ایریزونا سے تعلق رکھنے والی 50 سالہ کیلی بیزلے نے خوبصورت اور جوان نظر آنے کے لیے چہرے کی سرجری کرانے کا فیصلہ کیا۔

عورت کی کہانی انٹرنیٹ پر بہت سے لوگوں کو رلا رہی ہے، کیونکہ کیلی نے اپنا تین بیڈ روم والا گھر $14,000 (11 لاکھ روپے) میں فیس لفٹ سرجری کے لیے بیچ دیا اور اب وہ ایک وین میں رہتی ہے۔کیلی کا کہنا ہے کہ انہیں پلاسٹک سرجری کے ذریعے ایک نیا چہرہ ملا ہے، اور وہ چاہتی ہیں کہ لوگ اس طریقہ کار پر شرمندہ نہ ہوں۔

ان کا مزید کہنا تھا کہ 48 سال کی عمر میں میرا چہرہ تیزی سے تبدیل ہو رہا تھا جب کہ جلد پر جھریوں اور دھبوں کے ذریعے عمر بڑھنے کے آثار نمودار ہونے لگے تھے اس لیے انہوں نے فیس لفٹ سرجری کرانے کا فیصلہ کیا تاہم میرے پاس اتنے پیسے نہیں تھے۔ جس کی وجہ سے مجھے اپنا مکان بیچنا پڑا۔کیلی نے اس لمحے کو یاد کرتے ہوئے کہا، "سرجری کے نتائج میری توقع سے زیادہ تھے، مجھے جوان نظر آنے کی امید نہیں تھی۔