اردو ورلڈ کینیڈا ( ویب نیوز ) دنیا کی پہلی سکھ مذہبی عدالت لندن میں قائم کی گئی۔ میڈیا رپورٹس کے مطابق سکھ مذہبی عدالت 30 مجسٹریٹس اور 15 ججوں پر مشتمل ہوگی۔سکھ کورٹ کے ترجمان بلدیپ سنگھ کا کہنا ہے کہ سکھ خواتین اور بچوں کے خلاف گھریلو تشدد اور طلاق سمیت دیگر مسائل کو اب بہتر طریقے سے حل کیا جا سکے گا۔

ساؤتھ آل بلیک سسٹرز کی بانی پرگنا پٹیل کا کہنا ہے کہ سکھ عدالت کے قیام سے مذہبی بنیاد پرستی کو ہوا ملے گی۔ واضح رہے کہ برطانیہ میں یہودی مذہبی عدالتیں اور اسلامی شریعہ کونسل اور مسلم کنسلیشن ٹریبونل بھی کام کر رہے ہیں۔