اردو ورلڈ کینیڈا ( ویب نیوز)پاکستانی روپے کی بدترین گراوٹ جاری ڈالر نے تمام ریکارڈ توڑ دیے، انٹربینک میں تاریخ کی بلند ترین سطح پر پہنچ گیا، آج پھر 3 روپے 57 پیسے کا بڑا اضافہ دیکھا گیا، جس کے بعد امریکی کرنسی کی نئی قیمت 236 روپے 50 پیسے پر پہنچ گئی
پاکستان مسلم لیگ (ن) کی مخلوط حکومت آنے کے بعد انٹربینک مارکیٹ میں روپے کے مقابلے امریکی ڈالر 54 روپے مہنگا ہو گیا ہے جس کے باعث ملکی قرضوں کے بوجھ میں 6500 ارب روپے کا اضافہ ہو گیا ہے
7 اپریل جب اس وقت کے وزیر اعظم عمران خان کو اقتدار سے بے دخل کیا گیا تھا) اور 22 جولائی کے درمیان، ملک کے تجارتی خسارے، بڑھتے ہوئے سیاسی عدم استحکام اور غیر یقینی صورتحال کی وجہ سے امریکی ڈالر کے مقابلے روپے کی قدر میں کمی ہوئی۔
22 جون کو 211 روپے 93 پیسے کی بلند ترین سطح کو چھونے کے بعد، جولائی کے پہلے ہفتے میں ڈالر کے مقابلے میں روپیہ 204 روپے 56 پیسے تک بڑھ گیا۔
جب 15 جولائی کو انٹرنیشنل مانیٹری فنڈ (آئی ایم ایف) کے ساتھ پاکستان کا عملہ سطح کا معاہدہ طے پایا تو ڈالر کے مقابلے روپے کی قدر میں قدرے اضافہ ہوا لیکن اس کے بعد سے حالیہ دنوں میں اس کی قدر میں مسلسل کمی دیکھی گئی ہے۔ .
