اردو ورلڈ کینیڈا ( ویب نیوز )ملک میں مہنگائی میں مزید اضافے کا امکان ہے،وزارت خزانہ کی رپورٹ جاری رپورٹ میں کہا گیا ہے کہ ملک میں مہنگائی میں اضافے کا امکان ہے، بنیادی اشیا کی طلب اور رسد میں فرق کے باعث مہنگائی بڑھ رہی ہے، جب کہ قیمتوں میں اضافہ حالیہ ہفتوں میں پٹرولیم مصنوعات نے بھی مہنگائی میں اضافہ کیا۔
رپورٹ میں کہا گیا ہے کہ سیلاب کے اثرات سے مہنگائی بڑھ سکتی ہے تاہم مالی سال کے اختتام پر مہنگائی میں کمی کا امکان ہے۔

وزارت خزانہ کی رپورٹ میں کہا گیا ہے کہ حکومت آئی ایم ایف پروگرام کو کامیابی سے مکمل کرنے کے لیے پرعزم ہے، کرنٹ اکائونٹ خسارے کو کنٹرول کرکے زرمبادلہ کے ذخائر پر دبا ئوکم کیا جائے گا۔
رپورٹ کے مطابق مالی سال کے 8 ماہ میں ترسیلات زر میں 10 فیصد کمی، برآمدات میں 9.7 فیصد اور درآمدات میں 21 فیصد کمی ہوئی، مالی سال کے 8 ماہ میں کرنٹ اکانٹ خسارہ 68 فیصد کم ہوا اور غیر ملکی سرمایہ کاری میں 68 فیصد کمی واقع ہوئی۔
وزارت خزانہ کے مطابق 29 مارچ کو اسٹیٹ بینک کے زرمبادلہ کے ذخائر 4 ارب 76 کروڑ ڈالر تھے اور 29 مارچ کو ڈالر کا ریٹ 283 روپے 92 پیسے تھا۔
رپورٹ میں بتایا گیا ہے کہ ایف بی آر کی ٹیکس وصولیوں میں 8 ماہ میں 18.2 فیصد اضافہ ہوا جب کہ جولائی سے فروری تک بجٹ خسارہ 4 فیصد بڑھ گیا۔