خاندان شریفیہ میں اقتدار کی جنگ لڑی جارہی ہے،مشیر اطلاعا ت کے پی کے

12

اردوورلڈکینیڈا( ویب نیوز)خیبرپختونخوا کے مشیر اطلاعات بیرسٹر ڈاکٹر سیف نے کہا ہے کہ شریفیہ خاندان میں وزارت عظمیٰ کی جنگ جاری ہے۔
اپنے ایک بیان میں بیرسٹر سیف نے مریم نواز کو تنقید کا نشانہ بناتے ہوئے کہا کہ پنجاب کی شہزادی کہتی ہیں کہ انہیں کام نہیں کرنے دیا جا رہا، آپ کو کون کام نہیں کرنے دے رہا، آپ کے چچا اور والد کی حکومت ہےیہ رونا کیوں؟
انہوں نے کہا کہ شہزادی کے آنسو شریفیہ خاندان میں اختلافات کا منہ بولتا ثبوت ہیں، شریفیہ خاندان میں وزارت عظمیٰ کی جنگ جاری ہے، نواز شریف چوتھی بار وزیراعظم بننے کی بھرپور کوشش کر رہے ہیں، نواز شریف بمقابلہ شہباز شریف گروپ آپس میں لڑ رہا ہے
خیبرپختونخوا کے مشیر اطلاعات نے کہا کہ شہباز شریف کی گردن اسحاق ڈار اور رانا ثناء اللہ نے دبائی ہے، مریم نواز کا ہدف بھی شہباز شریف اور ان کی حکومت ہے۔
بیرسٹر سیف نے مزید کہا کہ کرسی کی اس اندرونی لڑائی میں عوام رو رہے ہیں، شریفیہ خاندان کو عوام کے مسائل کی کوئی پرواہ نہیں۔